經歷詳述:
M底鐘意比人鬧嘅可以考慮睇

第一次睇佢，係因為睇開個醫生放假，想開返一樣嘅藥。點知佢先係大鬧其他醫生係庸醫，話食呢啲藥一定唔會好。OK，我非專業人士，不予置評。但其態度已經令我比較驚訝，對病人之無禮貌都頗為少見，講野仲非常之串，基本上我問一句、佢串一句。

第二次睇佢，我見醫務所寫8點半開門，就想返工前睇佢，點知去到前台姑娘話醫生10點先到，成間診所啲人都係非常之串👍🏻

第三次睇佢，我想開返同樣藥+物理治療轉介，因為之前做開物理治療，覺得可以幫助舒緩痛症。點知佢再次刷新我三觀，佢首先話：我唔會開物理治療比你，我要孭飛，我淨係會開專科轉介信比你。
之後佢又話：我都唔會開藥比你，因為你上次睇完就無來睇過。我：？？？完全呆左。之後又同佢解釋左一輪我唔係香港之類。完全無問我點解唔再來睇，食完藥覺得點、有無效果。

至於佢開嘅藥，都唔係話天上有地下無果啲，都係正常藥。所以對佢嘅專業水平不予置評，但對其對病人態度簡直無法忍受。次次都會覺得刷新對醫生嘅認知，咁我都係睇返庸醫好啲！

大家保重


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧