經歷詳述:
不知所謂嘅醫生，我工人姐姐胃痛，我貪姚醫生無人睇唔洗等，所以帶左工人姐姐去睇，去到姐姐先話痛左兩個月，醫生話叫我三日後覆診，要下次覆診再安排照胃鏡同超聲波，開左3日胃藥同化胃氣藥就收我$450
到之後覆診，佢就話要安排照胃鏡，我問佢係咪要照埋超聲婆，佢話係，但就叫我照完一樣先再去約過照另一樣，到我要求一次過照晒兩樣，佢先肯幫我約埋一次過去照
姚醫生雖然轉介我姐姐去照胃鏡，但佢就堅持唔肯寫轉介信俾我出去照，只肯幫我打去化驗所約期，我叫佢寫信俾我去政府醫院又唔肯，一定要我去反佢約果間化驗所度照，佢話只會喺我去左化驗所俾完錢拎張收據俾佢先肯簽轉介信，最後又收我$450開3日胃藥俾我工人姐姐。
我多次要求佢寫轉介信俾我同姐姐出去化驗都唔肯，仲想分開我兩次照嘢，想我照完一次要返去睇佢一次，簡直不知所謂！真係我聽過其他醫生需要病人出去化驗而唔肯寫轉介信囉，感覺似係想呃錢揾笨

簡評:
個人觀感- 有欠詳盡、耽誤病情
經歷過程- 需要自己主動提出較多的諮詢
推介意見- 本人絕對不會再作光顧