經歷詳述:
沒有醫德!

事件經過 (2008年10月底發生):
女兒睇開嗰個醫生放一個月大假, 11月6日才回診所, 其間由另一位醫生代診. 睇開嗰個醫生一放假, 女兒就開始有咳同痰, 搵代診嘅醫生睇咗兩次都唔好, 好返d, 跟住又有咳, 搵代診嘅醫生又睇咗一次, 好返一兩日之後又痾又嘔咗四日, 連黃胆水同十二指腸消化液都嘔埋出嚟, 睇代診嘅醫生都唔好, 咪睇第二個醫生囉, 食咗兩次藥就好返, 點知兩日之後成身出現一舊舊紅印, 好似風疹咁, 睇返幫佢醫好痾嘔嗰個醫生都以為佢出風疹, 比敏感藥同藥膏佢都冇效. 之後嗰日(30/10)傍晚去嘉賓大廈睇佢, 佢即刻叫佢入院, 咁我地咪即刻去咗St. Teresa囉. 做晒blood test, urine test, 大便呀, 口水呀, 鼻涕呀,x-ray咩都做晒, 到31/10都冇做任何treatment. 嗰晚開始佢雙腳腳掌同腳眼腫晒同埋紫色, 落唔到地仲好痛, 佢竟然話可能係有d腫, 細路仔咋嬌同唔識所以話痛. 我仲不停問點解會咁腫, d 報告話佢咩事, 佢完全答我地唔到, 仲side track咁focus喺嗰兩個毛公仔度, 話有可能敏感, 嗰兩個公仔陪咗佢年幾, 一路都冇事, 係就係唔排除有咁嘅可能性, 但係會唔會外在刺激令佢出現咁嘅反應先? 1/11中午佢話佢d urine 有少少菌, 吊抗生素及鹽水, 吊咗6個鐘左右雙腳竟然消晒腫, 仲可以落地行, 以為好返冇事, 點知第二朝一起身(2/11), 隻左腳大脾位置完全郁唔到, 每郁一下都痛到佢標晒汗, 喊到成個人谷到紅晒, 佢就話睇過同按過佢隻腳都冇腫, 我仲問佢會唔會骨膜炎, 菌入血呀菌入骨咁, 佢完全唔正面答我, 我仲提議駛唔駛照ultrasound或x-ray咁, 佢仲答我唔駛. 我極冇信心, 但係睇開嗰個醫生要6/11先返, 我都已經打比診所姑娘同佢地講個情況, 佢地話一幫我搵到個醫生就叫佢盡快打比我. 到3/11隻腳仲痛過之前, 我再打比診所姑娘叫佢再搵下個醫生, 同一時間個衰醫生睇完之後知佢又發高燒, 叫我地照x-ray, 咁啱唔夠一個鐘, 我地睇開嗰個醫生打比我, 話佢啱啱返到香港, 問咗我嘅情況後, 睇完我個女, 確定佢個病係”過敏性子電” (唔知係咪呢個”子電”), 係免疫力下降, 細菌入侵, 血管發炎, 而且ultrasound 報告話佢骨有水, 發炎, 骨發炎同關節發炎, 即刻同佢換過d藥, 晚上女兒已經好返一大半, 4/11已經可以行返路, 6/11已經出院, 結束咗我同佢喺醫院瞓咗8日7夜嘅痛苦醫院生活嘞! 醫生話如果唔及早醫返好會影響腎臟功能, 因為不能如常小便, 嗰幾日一入院已經淨係每日去兩次小便咋, 個肚又脹到就嚟爆咁, 同佢講佢又唔理! 好彩姑娘幫我搵到睇開嗰個醫生, 而佢未放完假都肯嚟睇, 如果唔係都唔知點算啦!