經歷詳述:
時間上就係預約時間既半小時之內排隊睇醫生,所以時間上我個人覺得係十分合理。而跟足指示食藥都見到病明顯好轉既。

我主要想講收錢方面,診金方面就分左第一次睇同覆診,總共就(550+450)1000蚊。
第一次睇就話係鼻發炎加耳仔有類似問題就出左5日抗生素+消炎藥+藥膏加話要覆診然後收左550
本身食晒五日藥個鼻就好番晒,今日覆診果時個醫生就話隻耳仔都仲差少少就出番3日量同樣既抗生素+消炎藥(無藥膏)然後收左450。
咁唔知係藥貴定覆診金貴,有少少唔明點解呢個覆診都只係睇到同樣既問題,出同樣但量少左既藥,但係收既錢都只係少左100蚊,當時傻左無問到番到黎諗左兩諗先發現呢個問題。
總結係時間同睇病呢位醫生無咩大問題,但係收錢方面我個人比一個大大既問號,如果想搵呢位醫生看診記得問清楚收費方面問題。
而家我好似比左兩次錢(1000蚊)睇左兩次同一個一個醫生睇同一個問題出同一隻藥咁,所以記得真係要問清楚,因為你唔問佢地亦唔會講。

簡評:
個人觀感- 判症快捷、合情合理
經歷過程- 雖則過程簡捷，診效尚算明顯
推介意見- 可能人夾人緣自己衡量