經歷詳述:
當日卓健旺角恵蘭中心分店確實非常多人，等咗好耐……其中有個柏氐枺片檢查，就係呢位龐飛鳳醫生處理。首先醫生已經戴定頭盔話成個過程會痛楚同埋會流血，我感覺可能佢係普通科醫生，唔係太多經驗去做呢類婦科檢查，點知真係用咗唔止20秒時間取樣，跟住就話我流好多血同好多分泌物，又用咗20秒時間取樣出嚟話去化驗。佢講得冇錯個過程係痛苦同埋會流血。我比較過其他卓健金鐘，中環，銅鑼灣呢啲地區其他醫生做嘅同類檢查都唔會刮到流血同埋20秒同埋痛苦。
睇返呢到啲comment 都係話同呢個女醫生有相同經歷，咁我建議真係要避開呢個女醫生或者揾返婦科醫生。我而家好擔心裏面俾佢整損咗流血將來會唔會有問題。。。

簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧