經歷詳述:
爸爸早前因為咳血, 差唔多已好肯定為肺癌時, 幾經轉接, 經朋友介紹搵到楊醫生. 第一次睇楊醫生, 佢已經好清楚指出爸爸情況, 亦都非常詳細講解要做邊隻嘅檢查同治療嘅方法. 經楊醫生安排, 好快已入院做照CT 同氣管鏡, 亦更清楚知道爸爸情況. 需要盡快安排手術. 手術前楊醫生同我地家屬同爸爸詳細解釋咗手術做法同風險, 亦會照顧病人感受, 盡量安慰我爸爸, 而楊醫生做事效率真係好高好快. 雖然楊醫生做事好快, 但當我爸爸經常問一些無關痛癢嘅問題時, 楊醫生都會盡力解答, 只希望令我爸爸擔心少一些, 呢方面我地家人真係好欣賞同感謝.

而手術亦都做得非常成功, 成功切除所有癌細胞, 亦令我爸爸嘅痛楚減到最低. 所以我地家人真係好感謝楊醫生.
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 已視為本人的必然選擇