K.K. Ngo回應:
我今年1月尾都確診四期癌症，公立醫院要3月中睇報告才安排治療，朋友介绍看曾醫生，7/2首次見她，我感到佢好擔心（雖然佢的表情和語氣好輕鬆）只是不想嚇親我，跟住好細心講解情況要如何醫，等公院太遲要盡快開始化療，費用要幾多，方法有邊種，我唔明的問佢，佢慢慢一樣一樣講，佢仲講負擔重再轉介返公院連住治療，所以3月中回公院覆已做了兩次化療。所以佢真係好好的醫生，雖然唔明你為何有此感受，但每次覆診都有為我檢查和觸診，而事前先講明费用不是很好嗎？自己有預算呀，而且如果佢錢行先就不會幫我擔心負擔重，提出可轉公院繼續療情。另其實佢在你覆診前已在電腦看了報告，計劃好醫療方法，在你覆診日再話你知，因為我在覆診前收到醫健通佢查閱過報告，並不是隨便開药，係預先有認真考慮的。其實我覺得佢真係好關心病人，好用心的。希望你都得到好醫治！

Shar So回應:
KK Ngo ，我諗你好彩。
你知唔知道，我就係因為呢個醫生個治療方案駁唔到入公立醫院，睇完公院醫生後，出左問題，佢仲先同我講佢有病人都試過咁，醫院唔收症。醫生完全冇諗清楚個治療方案是否可以駁入公立醫院，仲叫我試藥，去公立醫院吊完兩針，再返去佢度再吊多兩針唔同嘅化療針，你聽到有咩感覺，將我嘅生命當兒戲嘅去玩咁！仲響對話講佢啲病人是是非非，人品都好有問題！化療前診症時，醫生的而且確沒有幫我睇清楚傷口是否已經可以化療，我拎報告畀佢睇，佢都懶得睇，心諗你都唔響會度做哂化療，就連理都廢事理。最近我問返自己主診醫生，佢話我個病要真係驗到有基因問題先會開佢畀嘅治療方案，而且我主診醫生話要入公立醫院一定唔會用佢個建議，心諗個醫生係信唔過！由頭到尾，對方亦都知情我要駁返入公院，佢係冇醫德之餘，非常大意，睇佢劃花病人拎去嘅報告就知！

我去到公立醫院見第一個醫生，我已經開始左化療，醫生都照幫我睇傷口，檢查淋巴。邊啲係好醫生，其實病人係會感受到，對病人一視同仁，真心去幫病人幫到盡先係好醫生！

Shar So回應:
一個病人病緊化療，已經好唔開心，個醫生都可以對病人講咁樣說話，心中有佛，眼見都是佛；心中有屎，眼見都是屎。緊接著嘅治療，我嘅副作用係咁多治療反應最大、最辛苦！我相信一個人真心善良，會有好報，否則惡有惡報！

一間診所好唔好，睇前台啲姑娘就會一清二楚，只要有一隻害群之馬，已經可以知道！

Chimo回應:
做完腫瘤切除手術後，主診醫生介紹我睇曾憲玲醫生。當時我還未出院，曾醫生竟然樂意親自來病房與我解釋病況及分析可行的治療方案。她非常溫柔和細心，又明白病人的擔心和恐懼，講解詳盡，傾談過程輕鬆愉快。曾醫生為了幫我慳錢，會想好方案接住入政府。我個症繼續由曾醫生跟進，準備接受電療。曾醫生真係好好人，又專業！