經歷詳述:
本人2021年7月4日晚，睡覺時因右邊腰間抽搐地痛醒，而該月胃部脹氣持續了個多星期。於是7月5日黃昏到聖保祿醫院看門診，當時是王欣浩醫生接見。

向他講述病情感到胃脹和腰後痛時，他冷冷地問我：「你想點？」「胃脹可以有好多原因，可以關胃/肺/心臟事，你想照到咩程度？或是你想食啲藥先？」 我當時心想，點會問我想點？就係唔知咩事先嚟睇醫生啊，唔係醫生應該俾專業意見我嗎？結果我選擇了攞啲胃藥走。

當然食了胃藥也沒幫助，我15號再到聖保祿醫院看腸胃科，另一醫生聽到我呼吸困難應不關腸胃問題，示意我趕快照x-ray看肺部情況。結果我肺積水被安排即時入院，而且之後確診卵巢癌而引致肺積水。

想講嘅係，後來知道腰間痛的位置是肺底，亦係肺積水徵兆，如果當日王醫生細心一點診症，而唔係急著打發病人走，可能我會早點得到醫治。明白門診病人眾多，但專業態度是最基本的。

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧