經歷詳述:
真係唔好番大陸睇牙！！ 開關之後第一件事，我跟親戚朋友返大陸睇牙醫，因為之前覺得香港好貴；
我本身右上第一臼齒蛀牙要脫，大陸愛X健牙醫睇完，另外話我上顎隻智慧齒壓住我第二大臼齒，都要處理
建議我三隻大牙都脫曬佢，做植牙 或者 最好就係箍牙。
當下已經覺得死啦 咁多隻牙要脫，自己又無咩專業知識。
上網見到陳醫生，wtsapp張x光片俾佢睇，本身無抱特別希望。
點知陳醫生突破盲腸，話其實智慧機壓住隻牙，只要無痛無剩，其實唔洗處理。 就算你肯脫，點解唔等到有事先脫？淨係鑲番隻大牙就可以。
去到比陳醫生植牙，雖然比大陸貴。但係手勢好，過程無痛。 真金白銀買專業意見。
大陸牙醫平幫你做幾隻，剝左D好牙！仲貴過香港好好地幫你做一隻




簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇