經歷詳述:
入到診所見病人唔多，登記後向我前面排隊的病人只有兩位，咁就坐埋一邊等啦。過了15分鐘時，見到第一位病人入去醫生房，唔洗3分鐘就出來，心想應該大概15分鐘會到我睇。再過了15分鐘並沒有叫第二位病人入去，只見醫生換了便服衝了出診所，大概10分鐘後才回來。我想應該好快會再繼續診症，誰知又過了10分鐘，全個診所的病人加埋已經有5個人仍是在等，在我前一位的病人也問台前的護士，那位護士用不耐煩的語氣回答(她一直都是板口板面，對所有要登記和取藥的病人都態度好差好hea): 下個到你啦。再過了10分鐘，在我前面的那位病人終於有得睇，但我已經等了整整一小時，整個人因為感冒其實已經好累好想回家訓覺，本身諗住診所無乜人所以快快睇完食藥番去休息，點知剩坐向到坐左一個鐘都未到我！由於實在唔知道仲要等到幾時，前面那個病人又入左去好耐都未出黎，於是走去問台前那位黑口黑面的護士仲要等幾耐，佢又係答我(望住電腦完全無望你): 下個到你啦。(其實都估到) 跟住我再問咁即係幾時，點知佢又不耐煩望我: 醫生叫你咪到你囉。呢一下我真係接受唔到真係火滾，態度極差劣，點解護士可以咁無禮貌！我只係黎睇醫生，等已經等左成粒鐘，醫生又可以無端端唔見左人，病人只係得兩個又睇得快，個醫生向入面房完全唔知做梗乜，然而出面個護士態度又hea又串人，呢下真係嬲到上心口，即刻取消唔睇番屋企訓覺，有病都絕對唔會再番黎睇!!! 勸各位有好多時間而又可容忍咁串的護士就去睇啦，劣評到負分!!!!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧