經歷詳述:
本身見佢間醫務所話可以睇皮膚科就諗著都會幾pro，但去到先知原來個醫生對皮膚科嘅病都唔係好了解，醫生十分被動，唔會主動詢問病人有關病情（之前睇嘅醫生起碼都會問我呢個情況持續左幾耐之類嘅問題，亦會嘗試跟我分析病情，雖然最後睇唔好，所以先黎呢度試下，但起碼態度唔錯）然而，最離譜嘅係個醫生竟然段錯症！佢話我係唇皰疹（其實我嘅嘴唇之前一直都持續係乾同脫皮加上又癢又紅腫嘅狀態，後來查過後發現跟唇炎的病徵一樣）佢話我嘴唇有小小像水泡一樣的，就段定我係唇皰疹，我就感到懷疑問佢會唔會係唇炎而唔係唇皰疹（因為唇炎嘅病徵其實都會生水泡）但佢就話無唇炎呢種病，我想講嘅係連皮膚專科醫生都講過有關唇炎嘅資訊，怎麼可能沒有這種病呢？唔通啲皮膚專科醫生自己唔啦啦作出黎咩！最後都係抱著半信半疑的心態離開醫務所，後來當然選擇沒有用佢開嘅藥，畢竟這個醫生的連普通嘅專業知識都唔識，仲話係可以睇皮膚全科，萬一真係段錯症而服用了錯嘅藥後果真的不堪設想，所以呢次睇左呢個醫生後下次一定唔會選擇再睇佢！
簡評:
個人觀感- 普普通通、中規中距
經歷過程- 需要自己主動提出較多的諮詢
推介意見- 本人絕對不會再作光顧