經歷詳述:
一直都係養和睇開醫生，因為睇完門診覺得要轉介就去咗外科睇李醫生。去到好快就到我睇，護士都好有禮貌，但醫生就全程帶住耳機，比人一種唔太被尊重同重視嘅感覺，同門診嘅分別好大。醫生連埋做檢查都只係3-4分鐘嘅事，之後就安排咗照胃鏡。因為唔想住一日醫院，所以問醫生可唔可以唔留院，醫生一聽到個陣語氣都麻麻。好在護士之後都細心咁解釋曬啲細節俾我聽。
安排咗即日照胃鏡，推咗入去之後見醫生都仲係帶住耳機，覺得醫生唔太想做咁。入去之前聽到附近嘅病人照完都會有主診醫生出嚟解釋下岩先做咗啲咩程序，但係我做完連醫生都冇見到就俾護士安排咗可以走得。照胃鏡嘅結果都係由護士講我聽。以為起碼有咩相關問題都仲可以覆診問，點知原來醫生連覆診嘅打算都冇，關於診斷嘅問題想問下醫生都難過登天咁。
成個過程都唔太好受，覺得醫生好求其睇完就算，賺完錢就咩都唔理咁，又唔被尊重。

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧