經歷詳述:
只有第一次諮詢服務時才有時間問得詳盡，到真正開始箍牙時愈感不滿。
1.箍牙分左三階段，第一階段箍齊牙齒，第二階段調整咬合，第三階段整查牙列。第一二階段一直都有就箍牙問題反映比白醫生知，每次聽聽完口答ok，但到下下次覆診時問題依然存在，諗住箍牙需時慢慢調整所以不以為意。同時都有諗過係唔係因為大多數都係助理換鐵線、落power chain所以都影響左手勢同進度，畢竟箍牙所有野都係不斷要細微判斷及調整，只有專業牙醫，仲真係要有果種經驗加判斷力先會調整得好。所以懷疑係因為白醫生下下交晒d野比助理做，而最終影響到箍牙進度。問題包括箍牙期間牙列平衡問題、牙縫問題等，來去都係反映類近問題，但調來調去都未調得好。
2.以上問題仍未調好，白醫生既回應就係話第三階段主力調這些細微位。但剛去到第三階段就想我盡快拆箍，來去反映既問題，就講到已經調無可調。而我繼續反映問題，希望可以在限制下盡調，但白醫生比我感覺覺得我過份追求完美，而且每次都回答話視覺上唔太睇到呢d問題，但我照鏡又睇到問題好明顯，對於佢既回覆都深感無耐，最無奈係第一二階段時就話第三階段調，到第三階段調左無幾次就想close case
3.每次覆診見白醫生時間都唔多，所以助理都會問定client對於牙齒有咩問題，諗住都係透佢反映比白醫生知。但d助理就會答左你大路野諗住釋除疑問變到無疑問，但大路野上網都睇到，因為我係複雜case，所以唔係大路野可以解答到既疑問來。每次反映完都被視為無問題，最後無處理過客人既問題，所以耽誤進度，仲被視為一直係我拖住唔肯拆箍，感覺同體驗都極差。
4.助理既態度好差。有一d牙齒問題究竟係因為白醫生無落得好清楚個指示，定係助理無開始清楚呢個case要用邊種調整既material, 以致覆完診無耐又有其他箍牙問題出現。搞到又要浪費我時間提早覆診，仲要聽到助理既冷言冷語，用暗示性說話指責我未拆得箍，及我反映既問題根本唔係問題 ，我牙齒排列傾斜都唔係問題，咁咩先算係問題，同埋都唔應該係助理判斷呢個係唔係一個問題
5.感覺我個case recording不完整，無每次update我follow up完既進度，所以每次不同助理落手調整牙箍時都唔清楚我要用邊款powerchain，點落法等細節野，所以助理既mistake同混亂都與牙醫是否有跟好一個case有好大關連，最後影響左我既箍牙進度，亦唔似網上打打所講醫生有心，種種證據顯示d野跟得唔好唔足。

簡評:
個人觀感- 醫術精湛、鉅細無遺
經歷過程- 醫護之語調態度令人無所適從
推介意見- 本人絕對不會再作光顧