經歷詳述:
我10年留學時牙痛，當地牙醫同我做過隻大牙杜牙根，但自此久唔久就覺得酸痛，半年之後覆診牙醫就話杜完牙根都唔係保證100%唔再痛，如果唔係好痛唔影響食嘢就適應下，又或者剝咗佢再植牙。唔想搞咁多嘢所以一直無理佢，不過呢兩年覺得比以前痛咗，睇過兩個牙醫都話可以重杜牙根，但成功率唔高，好大機會最終都係要剝牙先解決得到，鼓唔起勇氣剝所以又拖住先。最近同個friend吹水時講開睇牙經歷，佢話家仁牙科的陳思昕醫生好好，係個有醫德的名醫，勸我唔好再拖，就算剝牙都要面對。於是我終於的起心肝約見陳醫生。

陳醫生比我感覺好穩重又親切，可能是女醫生的關係所以我主觀覺得比較溫柔，冇咁驚。佢態度好認真，聽我講晒我隻牙十年前到而家的情況和我的憂慮。陳醫生首先安慰我話總有解決的方法，然後向我講解杜牙根後仍然痛的可能原因，可以處理的方法，以及假如剝牙的話，之後的植牙過程。

陳醫生講得都幾清晰易明，建議我再照X光掃瞄，仲有用顯微鏡睇隻牙的情況，佢同另一位根管治療科醫生一齊分析情況後，表示雖然真的無法100%保證，但有信心可以翻杜牙根成功，認為剝牙係最後一步無選擇之中的選擇，建議我考慮先嘗試翻杜牙根。

今次翻杜牙根要分三次去完成，雖然過程要擘大口好耐有D辛苦，不過今次掂呀~~~ 而家隻牙終於唔再痛喇!!! 非常感謝！！
簡評:
個人觀感- 醫術精湛、鉅細無遺
經歷過程- 醫生會清晰明確的講解其病情
推介意見- 值得向有需要人仕推介