經歷詳述:
我從未試過要特登開一個account去表達我有幾不滿

希望唔好再有人中招！

話說我發左幾日燒頂唔順要睇醫生，所以搵個近屋企醫生，去到直頭唔洗等，因為都無人去睇佢

一入到去我同佢講發咗幾日燒，個肚頂住頂住，佢一句得埋嚟：你又知自己發燒？有無用溫度計丫？跟住就拋google都search到幾多到發燒嘅數據，仲話我依家無燒，所以唔知我係咪真係發燒，我果刻先知原來望聞問切都係廢㗎，有數據有真相，即係你被人斬左隻手，要帶埋隻斷臂去俾醫生睇，如果唔係佢會以為你天生係獨臂。

跟住我佢就話我腸胃可能唔舒服姐，同係咪發燒無關係，我就問唔似係腸胃炎咩？佢就話腸胃炎唔會發燒，我當堂呆左，仲話如果我真係覺得發燒關同腸胃關事嘅，可以去做檢查，做抽血、留小便、check好多野，到時咪知囉，果一刻，我已經嬲到形容唔到自己個心情，佢簡直係侮辱緊我，唔講有無醫德，佢直頭做人都有問題。

我一定唔會再去！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧