經歷詳述:
本人因舊年七月中風，所以每兩個月要回醫院覆診，四月因驗尿發現腎功能下降很多，所以安排七月照超聲波，照完發現膀胱內有粒2.4cm 大的結石，醫院排期泌尿科，要一年多時間，九月二十九日因外出工作很忙，黃昏小便時流很多血尿，我決定唔等，就在網上尋醫，在衆多泌尿科醫生中找到了郭醫生，我見他好評比較多所以就上去試試，第一次上去診所見醫生，感覺郭醫生和善及專業，佢會聽清楚你有咩問題，之後佢會好詳細解釋你知佢會㸃樣去處理，最後我問收費，佢才講大概需要多少收費，他建議我做膀胱內窺鏡激光碎石，醫院他有幾間俾我選擇，我選法國醫院，因為我住新界區，而只有呢間在九龍區，其餘全部係港島區，最後醫生問我有否買保險，我説我只有公司保險，自己並冇買，因為每份工都唔穩定，根本唔敢買任何保險。十月十六日做手術，因粒石太大，打碎後醫生幫我抽走絕大部分碎石（政府醫院係唔會抽石的），次日出院，（收費有驚喜，比預期平很多）過了兩日膀胱仍有痛，而且痾唔出尿，即刻whatsapp 郭醫生問點解咁，佢叫我去診所check超聲波, 後來去check 發現有兩粒漏網之石塞住，醫生即刻響診所為我抽埋兩石仔出來，及放尿，當堂舒服哂！ 手勢非常好，唔痛！冇用麻醉藥。有責任心及同情心，加上醫術好嘅醫生，香港已很罕有桇啦！超級值得推薦！真正好醫生！
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 已視為本人的必然選擇