經歷詳述:
本身都聽聞過龍醫生喺呢行都算出名，剛考前段時間整親腰骨，諗住揾個好d 嘅私家醫生睇睇，怕腰骨呢d 嘢有後遺症，便去尋求龍醫生嘅醫治。 打電話去預約同到達診所後，姑娘態度都好親切，見我腰骨好痛，行動唔太方便，都問我駛唔駛比張床我憩息，很窩心。 當日客人很多，我等左一個鐘，但唔趕時間，而且諗住冇所謂啦，好嘅醫生先多人睇。 入到診症房，可能果日多人，醫生診症好急，我諗住講出我整親嘅經過，但講到一半，就被打斷，叫我直接講出點痛法，邊個位痛，然後就話開返d 藥比我，便睇完了，整個過程5 分鐘倒。 之後姑娘就比左d 藥我，都有好多藥，當中又有抗生素， 診金為$2xxx. 因為都較為多藥，返到屋企，我唔太記得有d 藥係點食，便打返去問。 姑娘話要幫我問問醫生再覆，我做等回電。 見整日都冇覆，第二日我便再次打去，同一姑娘聽，講左幾句之後，條線比左另一姑娘(那應該係龍太，龍醫生太太， 因聽到其他姑娘咁樣叫佢). 一聽電話，佢用好差嘅態度叫我全名，然後話佢當時已經解釋得好清楚d 藥點食，話醫生好忙，要問藥的話就黎覆診，醫生每講一句嘢都收錢的！ 因當中有抗生素，我唔敢自己決定點食，就唯有尋求另一醫生嘅醫治。 那醫生一睇，話我個症根本就唔係食呢d 藥，呢d 全屬貴藥。 龍醫生生意興隆，我呢d 咁麻煩又窮嘅病人，佢應該唔想再做我生意了。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧