經歷詳述:
濕疹睇其他普通科，睇第3次後轉介去睇李梓源醫生，打電話去一問，居然要等成個星期！呢一個星期真係痕癢難耐！

等一個星期去到睇，準時依預約時間上去，仲係要等成粒鐘，好 彩有免費佢診所有wifi而且唔做密碼！難的的大方！

由於已病發近兩星期，加上之前普通科醫生既藥物，去睇佢時，濕疹已幾乎好返晒，其實已唔多需要去睇，問佢野佢都答得詳細，但佢唔會主動講太多野。

千祈唔好同一問題問完唔記得問第二次，佢會有少少燥。

佢最好既，係我近幾年下體經常痕同黑，唔知係股癬定係乜，畀佢睇，佢都唔知係乜，只係話「唔似係股癬」，但畀左隻藥膏我茶，一次斷尾！

但唔好既，我係畀佢睇下面時，本來只係畀大脾「那」」佢睇(因為患處僅大脾「那」)，佢唔知做乜要我拉低晒條底褲，完全露出下體性器官畀佢睇，仲叫我「大方D」(我係男)，而診症期間不時有姑娘出入，佢叫我拉低底褲期間，冇同我去屏風後面之類既隱閉地方，而就咁o係平時既診症處，亦冇鎖門，幸好只係持續十幾秒，而該十幾秒冇姑娘出入，太忽視病人私隱！
簡評:
個人觀感- 普普通通、中規中距
經歷過程- 需要自己主動提出較多的諮詢
推介意見- 可能人夾人緣自己衡量