經歷詳述:
孩子6歲面上有一粒疑似疣超過1年，有時佢自己手多用指甲刮走，但之後又再生。因之前小孩細兼有 ASD，所以之前一直未有帶佢睇。

呢2年不停上不同訓練，見佢對人對事已改善，先敢帶佢睇。

問過幾間診所，都係 6,000-8,000 10粒，1粒都係同一價錢，本身有醫保可 claim，但唔認為應該咁樣浪費。上網見黎醫生評論參差，但有冷凍，諗住睇一次先。

預約需等2個月以上。比預約早了 10分鐘到，等了個幾鐘，醫生外貌是很和藹可親，面帶微笑，一見醫生講了情況及小朋友有 autism，佢話小朋友抵抗力低就會有機會感染，可以不需治療，有可能自行脱落 (但係我一開始已經講左已經超過9個月，佢刮甩又生翻，兼每一次都比之前大)，咁醫生就話可以做冷凍，但小朋友未必合作，我請佢試下先(對話係3分鐘以內嘅事) 。隔離有小房，小朋友行到過去唔肯上床，醫生即刻話做唔到，叫我帶小朋友出去並自行入返隔離醫生房，我自己都呆左，預约等左2個幾月，喺度等左個幾鐘，見左4分鐘左右...

姑娘同我地行出去，喺果條好短嘅走廊，呢個比較後生可能係全診所最友善嘅人，同小朋友講咗幾句說話：打流感針痛唔痛？係囉，呢個唔痛，打針都唔驚啦。咁你整唔整？

小朋友答：整。然後姑娘即刻同已經入左房嘅醫講：醫生，佢做呀。換嚟係醫生一句：佢上咗床先講！(其實果刻我真係好感激個姑娘，因為整唔整本身對佢冇影響)小朋友好合作上咗床 (出去到上返床唔知有冇30秒)，點知果樽應該係冷凍液，喺小朋友隔離倒出嚟果陣 沙 一聲 同係咁出煙，可能小朋友有啲驚又想起身，醫有少少喝佢：你整就整，唔整就返屋企！之後就用棉棒點左2次粒疣，點完乜都冇講，即時入返隔離房。

姑娘幫小朋友痴左塊膠布，我地就出左去，拎左一盒好細嘅藥膏，診金1000蚊，係平嘅。

醫生專唔專業我唔知道，細唔細心都感受唔倒，除非我搵唔到更加好嘅醫生，否則應該冇下一次，亦唔會推介比任何人。

簡評:
個人觀感- 普普通通、中規中距
經歷過程- 求診病人實在太多，等候需時
推介意見- 在無其他選擇下可一試