經歷詳述:
態度奇差，毫不尊重病人感受，對護士的態度亦不好。

作為醫生，應先診症然後作出建議，而非在完全未診症時已問病人/家屬是否會做需全身麻醉的通淚管手術。病人已經是體弱多病的老人家，聽到醫生一開始已説要全身麻醉，然後到疹症後發現應該是栢金遜症引致的眼部問題並說「依個我幫你唔到，對唔住」句號，老人家現在還很害怕。對於陪診的我，感覺很無語，覺得醫生想盡快踢走我們。問多一句滴眼藥水有冇幫助（之前另一個醫生建議的),佢對眼終於由電腦屏幕轉過來望住我，但態度照舊咁問：「咩目的？」我就係唔清楚先問，頂！

當然，我明白栢金遜症引致的眼部問題是他能力範圍以外的東西，但他的態度/語氣很差，並無尊重或考慮病人/家屬的感受。

同一個訊息係可以用其他方式表達的。做醫生做到咁不如唔好做。等了1.5小時，見了他15分鐘，俾咗千3蚊並換來無限驚嚇。依家唔知點平伏老人家的心情，亦再加大照顧者的壓力。真係除咗講多謝，唔知仲可以講乜。

之前我爸爸亦是他的病人要做手術，有多啲錢收態度好啲，今次見到我哋黎運吉，阻住佢搵大錢，明嘅！

你一係就要係大富大貴有關聯人士，一係你就有大把時間唔怕等並且有要做手術的眼疾問題，唔介意佢冇醫德，咁你就未必遇到以上問題。



簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 已視為本人的必然選擇