經歷詳述:
姑娘態度惡劣，刻意隱瞞資訊，浪費病人時間*

本人（8月27日）帶小朋友嚟貴診所，想請醫生填寫幼稚園體檢表格。點知一嚟到，姑娘就話無得填！我即刻問：「點會啊？我朋友之前先嚟過，填咗$300咋嘛！」然後姑娘先改口話：「我哋係收$400㗎。」我話：「咁即係有得填啦？$400我都ok呀！」

跟住姑娘就用命令式語氣問我：「你係咪喺我哋診所睇過先？」我話無! 姑娘再問小朋友有否在其他診所睇過。我話有！ 點知佢竟然叫我去返自己睇開嗰間診所搞！我當堂呆咗，回佢：「咁你當我無睇過其他診所得唔得啊？」佢先死死地氣幫我登記。

點知突然另一位姑娘提同佢要同我講「醫生要5:45先返到！」嘩！我當時真係火都嚟！點解一開始唔講？浪費我時間！頭先嗰位姑娘仲要賴話：「我排隊時同前一位講咗啦，係你聽唔到咋嘛！」呢種解釋真係極品中的極品！明明係自己隱瞞資訊，態度又差，仲要推卸責任！

我真係唔明，點解咁嘅服務態度都可以有人請？由頭到尾都係千方百計唔想幫病人登記，完全無同理心！以後唔會再嚟呢間診所，亦建議大家三思

簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇