經歷詳述:
由於我阿囡咳還未好，想睇吓屋企附近嘅醫生，我見馮建華醫生平日一早好多人排隊睇醫生，以為佢啲藥得(試一試），下午5:00幾攞籌後等咗半個鐘左右 , 診所係舊式用手寫病歷表，就輪到嘅時侯會到醫生門口等一陣，姑娘會叫你關上電話(感覺有啲怪怪哋）。
入到醫生房問吓阿囡病況，跟住聽筒聽吓心位置，依家好少醫生在衫底伸手入去聽心(通常在領口伸入去聽或隔住件衫聽），跟住關燈照超聲波，叫阿囡橫趴在張床，在旁姑娘幫阿囡推上衣解開Bar，照超聲波背部轆幾吓睇吓個肺，跟住番轉身轆幾吓頸睇吓喉嚨，跟住轆咗兩吓個肚(根本上快到睇唔到，咳轆肚真係難理解）突然又話收費$550 , O唔OK？ 成個過程動作快到我在旁難消化，阿囡都是成人好似被左舞右舞(感覺奇怪），跟住要打兩支針，阿囡拒絕唔打(又唔可以打手 仲要打兩支），我在醫生房俾錢，後出去等攞藥，攞完藥阿囡即刻話我唔會再睇呢個醫生(怪怪哋咁樣睇病）。
我最衰冇上網睇吓評語，有啲病人同樣有一樣經歷，又快又照超聲波(感覺奇奇怪怪），醫生以為有部超聲波機大晒(亂咁照）😤，咁多人排隊睇佢 可能係羊群心理

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧