經歷詳述:
非常非常冇醫德嘅一位醫生。只係顧住搵錢。淨係問病人有冇買保險，又sell打疫苗。
更離譜嘅事係：發現原來佢一路開嘅藥唔單止冇助病情，原來係因為食咗佢嘅藥先一路問題不能夠根治。仲要完全冇醫德，誇大病人嘅問題，製造恐懼心理，從而sell一大堆入院做檢查,來呃保險！😠

因為最近兩個月冇黎經期，有啲擔心，尋日搵其他專科醫生，即日book唔到，諗住近近地搵范醫生拎啲藥睇一睇。范醫生建議照超聲波睇一睇，點知好大反應話照到有舊野，仲要影低印出嚟。又即刻好緊張問我有冇買保險，又叫我即刻send俾佢同埋姑娘睇我保險內容包啲咩。

之後佢建議我去醫院做詳細檢查，照上腹、下腹、胃同埋腸，仲有照埋乳房。。我當時有啲突然。點解要咁小事會突然之間要照咁多野。開始有啲驚醒。即刻問一問醫生朋友同保險agent.. 大家都覺得醫生有啲問題，照理應該邊度有問題先照邊度。呢個醫生根本罔顧病人嘅權益淨係掛住做檢查搵錢。

最嬲最嬲嘅係，我之後個日轉睇專科，比專科醫生睇范醫生開俾我嘅藥。原來佢一直開緊抗生素同埋類固醇比我口服同搽。專科醫生同我講，長期食抗生素，就係主要嘅原因點解會有念珠菌。而佢開嘅份量超強，augmentin 1g, 係會令到個胃不適.. 我個專科醫生都好愕然; 而佢開類固醇比我更加舒緩唔到問題.. 因為類固醇只會殺死好嘅細菌, 但就正正殺唔到念珠菌。因為念珠菌唔係細菌而係fungi..

本人因為月經失調又或者有念珠菌, 過去兩年已經搵過范醫生睇過起碼10次。但係發現問題每次都未能解決。過兩三個禮拜又返發。上網自己查嘅時候，話念珠菌好容易翻發，所以以為係自己嘅問題。而佢開嘅藥其實一般喺萬寧藥房都有得賣，佢仲開七種藥入邊有三種係傷風感冒藥。（但係我冇感冒）。

其實睇醫生最想係身體健康啫。我嘅感覺係醫生好黑心，開一啲唔適合病人嘅藥物來延誤病人病情，仲誇大情況積極借機會來sell body check 賺錢..

希望藉呢個分享唔好再有其他人俾佢害。
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧