經歷詳述:
本來因為半夜發高燒唔想去公立醫院排長龍，諗住去聖 T 會細心啲，點知不幸遇著呢位醫生。

入到去診症室，佢全程望住個電腦螢幕，一眼都無望過我。我正想講下我有咩病徵（因為我有藥物敏感紀錄），講咗兩句佢就極唔耐煩咁打斷我，話：「得啦。」

檢查過程極度馬虎，聽筒擺喺個肺度唔夠一秒就拎走，喉嚨都無照清楚就話係普通感冒。我見佢咁求其，想問多句需唔需要驗流感，佢好惡咁晦氣回應, 好似我阻住佢收工咁。

最後打支針攞藥走人，盛惠幾百蚊。俾錢買難受，完全無醫德可言。私家醫院嘅收費，但態度連門嬸嬸都不如。強烈建議大家如果有得揀，千祈唔好睇呢個醫生。

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧