經歷詳述:
－ 無醫德；無禮貌；無同情心；診症有失 -

睇完先知原來劣評如潮，周醫生十幾年來都係缺乏醫德。平時都唔會對醫生係網上發表意見，但今次總體經驗實在令人震驚。做孕婦檢查前同講病症時黑面，全程比人感覺係道德譴責你。再加上我因為唔了解診症結果，過時我明顯好緊張。問左幾條問題後，周醫生完全唔理／問一句答一隻字都算，仲要同我講 “你做律師既，都唔係成條 law 同個 client 慢慢講掛”同埋“頭先咪講左囉”。 講到下一步治療時，其實我都仲未完全明白診症結果，所以我對手術既必要性／急切性表現猶疑，周醫生竟然同我講 “已經同你講左有咩方法/可以做手術，作為醫生既我已經 discharge 左我做醫生既責任，到時生 cancer 或者有其他事都唔會關我地事”。

事後回顧診症報告，發現報告寫住“Anxiety”。 由於寫既位置係報告 “Clinical Diagnosis” 隔離，合理的意思解作 “焦慮症”。保險公司對此 diagnosis 有疑問，周醫生電話上就同我解釋 “因為診症時你心情緊張，所以 Clinical Diagnosis 寫 Anxiety，保險公司覺得咁就代表你係精神病唔係我地問題，報告係咁寫就係咁寫。” 周醫生於報告診斷寫下自己專業範圍外既診斷，我覺得絕對不能接受。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧