經歷詳述:
今天我和太太在沙田行行街, 因為個肚特然唔舒服,
上網 search 一下附近有邊個醫生可以睇,
見到周醫生在附近, 所以去求診.
入到診所,見到周醫生基本診金為 $580.
我們覺得都可以接受, 咁我們就入去睇, 因為太太個肚真係好唔舒服.
睇病時都係一般程序, 有姑娘在旁幫手.
睇完後等攞藥, 到俾錢個陣即刻 "打個凸",
4種藥(止痛藥, 胃痛藥, 益生菌及止肚痛藥水), 藥費 total 係 $980.
我問姑娘有冇睇錯, 佢話冇. 我問姑娘點解會咁貴, 佢話醫生開咗兩支特效藥.
我問邊樣係特效藥, 姑娘話益生菌及止肚痛藥水.
但睇醫生時, 醫生全程冇話會開特效藥, 亦都冇講藥需要加錢.
當時感覺上好似肉隨砧板上, 任人宰割.
無奈之下都要俾錢攞藥.
之後上網睇返, 原來都有幾個人都有相同經歷.
我只可以講, 真係要預備多d 錢, 先可以睇周醫生.
簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧