經歷詳述:
本人因為牙齒不適，到陳醫生那邊檢查她並告訴我有兩隻牙需要即刻做杜牙根，亦都唔可以拖，完全沒有考慮空間，做完左下面一隻之後，半邊面嚴重劇痛，換咗兩次藥都仲喺痛，之後陳醫生就叫我話要即刻做埋右下面嗰一隻，做埋之後同左面一模一樣痛到生不如死，完全影響我嘅日常生活，返去複診，佢就用好差嘅態度話係我嘅問題佢完全冇做錯，叫我自己再搵其他醫生，又不斷影電腦掃描又收我錢，離晒大譜。轉介我去其他醫生又話咩咬合有問題，又洗咗一大筆錢，之後我去咗中環找另外一個杜牙根專科醫生，睇返佢啲電腦掃描竟然發現做漏咗條神經線，人哋兩三下就令到我即刻好返，要洗多三四萬蚊先再重新搞掂到，各位千祈唔好搵佢要三思！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧