經歷詳述:
本人爸爸因為新冠肺炎入院，朋友的朋友介紹郭醫生。以為OK，點知差到一個點。態度囂張，自以為好勁。爸爸入院有醫療團隊除咗呼吸科郭醫生外、還有傳染病科醫生、等等。郭醫生根本沒有新冠肺炎知識，完全冇料。懶散處理我爸爸病情、導致情況急轉直下。有病千祈唔好睇呢個醫生。好後悔用咗呢個醫生。爸爸一入院嘅時候只係有發燒食咗一個禮拜新冠藥，本以為好快可以出院。點知住咗兩個月就走咗了。爸爸有一個醫療團隊，本應大家應該有商有量但係因為呢個醫生嘅傲慢冇聽其他醫生意見，亂咁減藥，導致個肺一差再差。雖然個肺花咗好多但係經過傳染病科醫生醫治大概一個月後已經冇晒新冠病毒。但係因為個肺仲好花所以要繼續留院聞氧氣。住咗醫院一排後無端端發燒，醫生懶散處理爸爸病情，個幾禮拜都冇驗到痰睇吓點解發燒。到最尾爸爸因為細菌感染走咗。本來可以用抗生素醫治嘅細菌感染就係因為呢啲醫生冇驗清楚，懶散處理，令到一個病人原本已經冇晒新冠病毒就因為細菌感染走咗。千祈千祈唔好睇呢個醫生。完全冇醫德冇料到。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧