經歷詳述:
本人睇完之後話我半月板撕裂要做手術、做晒所有檢查準備做手術時同我講有咩要開左刀先決定到、微創完只同我講已將壞左嘅軟骨刮走、問佢可否落地行、佢話可以照平時行就得、住左兩日就出院、但一直痛、痛到瞓唔到覺、去覆診時佢話正常、我信佢、keep住食藥、都有好好保養自己、但痛感係未減過、之後嗰兩個月仲痛過未做前、每次返去覆診問點解仲咁痛、佢話應該唔會㗎喎、只識敷衍我、每次覆診一千、只係講幾句攞藥、問多兩句都唔想答你咁樣、我叫佢俾轉介信算、排政府醫院、做完掃描、攞埋所有的術前術後掃描片俾醫生睇、一睇要我再做多次手術、話我根本無修補過裂傷、所以一直痛、只想講各位睇到我呢篇野時、請你地好好諗清楚！

簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧