經歷詳述:
本次經歷好差，因為囡囡箍牙要去剝牙，所以經過朋友介紹去左搵蕭東明醫生剝。我第一次去搵唔到地方，所以要打電話比姑娘問正確地址，但姑娘好唔耐煩，之前問姑娘要唔要當日做快測？都係唔耐煩答我，咁都由佢啦。去到診所姑娘無問我攞任何有關我囡囡牙齒的資料，都係我主動問姑娘需唔需要我攞箍牙醫生的介紹信，需要剝邊幾隻牙同埋X-ray,跟住姑娘先叫我比佢，入到去準備開始剝啦，我見唔到醫生有睇我比佢的X-ray，就要直接剝，所以我同蕭醫生講我有比X-ray，姑娘先攞手機比蕭醫生睇，我見到醫生無睇口腔情況直接打麻藥，打完就直接剝，第一隻還好，唔痛，剝第二隻惡夢開始，我見到我囡囡係度掙扎緊，流眼淚，我就立即同醫生講她好痛，醫生無停，醫生話好快出來啦，雖然過程10幾秒，但我個心好痛，剝完我又同醫生講我囡囡頭先剝時好痛，他解釋話係佢的牙齒密度高。剝完又唔同我講注意事項，又唔講幾時先可以開始食嘢，要我主動問幾時可以食嘢？先答我話半個小時候可以食。根本就係麻藥唔夠，打左麻藥都唔check清楚麻藥夠唔夠再剝，成個過程好馬虎，又唔細心。

簡評:
個人觀感- 有欠詳盡、耽誤病情
經歷過程- 需要自己主動提出較多的諮詢
推介意見- 本人絕對不會再作光顧