經歷詳述:
早幾年cool隱式美有keep住喺嗰度睇，本身啲態度就已經好飄忽（個醫生），你有打扮過，比較光鮮亮麗呢，佢就態度好好，好溫柔；如果Hea吓Hea吓咁打扮，睇落宅男宅女嗰種呢，佢對你態度基本上就係好似講多句嘢都嘥佢口水嘅態度，同佢描述我嘅要求同不適就喺度串返我，言下之意就係佢作為醫生牙醫點會唔知。
帶維持器要起碼一年返去覆一次，睇開咪繼續喺嗰度睇，費事再搵，佢收嘅錢確實係貴㗎啦，中環地段，但係啲料確實唔錯嘅，洗完牙之後就係覺得都幾好，除咗嗰啲態度之外。
牙齒上有啲牙斑，佢問我要唔要整，我淨係喺度答佢下次再返嚟整，因為我個陣之後約咗人唔得閒，點知佢就已經同我上咗手局住要遲到同俾多筆錢
帶隱式美牙齒上會有啲粒粒去協助借力，結果除嗰陣佢根本冇仔細咁整，超唔乾淨，而家啲牙上面有撠住啲污糟嘢，整得求求其其咁！
去嗰陣診所有一個老啲嘅姑娘，一個後生啲嘅姑娘，老啲嘅姑娘就幾健談都幾好，但係後生啲嗰個態度幾差 做嘢不情不願咁

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 在無其他選擇下可一試