經歷詳述:
之前牙齒一直酸軟，尤其飲涷野仲辛苦 工作時間又不穩定。本人公司在大埔，所以到就近牙醫睇。打去預約時間，姑娘話約滿但如果有時間就比我插入去睇，去到等左一陣就到我。
醫生檢查後話我因為無用牙線同埋刷牙個陣沒有按摩牙肉，所以攪成咁，之後幫我洗牙，洗牙之前仲同我講，我幾年無洗會辛苦少少，雖然洗個陣係辛苦，但過幾日之後，就無事啦，我跟足醫生同姑娘教我既方法清潔牙齒，然後半年後再返去覆診，即係今日，醫生今日幫我檢查，都讚我自己清潔得好左好多，今次洗牙比起上一次真係無咁辛苦，無咁多血。
洪醫生真係一個好細心既醫生，對症下藥，值得推介比身邊的人。
簡評:
個人觀感- 經驗豐富、絕不拖症
經歷過程- 醫生會從病人出發去提供意見
推介意見- 不可多得，值得等待