經歷詳述:
本人是去朗豪坊EC分診所睇，（唔係用醫療卡）
做腸胃鏡前要見一見周醫生，
周醫生尚算可以，解釋不過不失，能夠解答疑問。
但姑娘真係好唔掂，解釋瀉藥勁求其（如果老人家真係有機會飲得唔岩）
打電話去詢問問題永遠拖全日無人覆。

到左做鏡當日，
做完鏡之後手術室姑娘根本無抺乾淨，
我一坐落張櫈成張櫈係濕既。
因為當日約左10點做，但因為前邊遲左，
我都遲左，
我屋企人向出邊等左好耐，然後去問一問姑娘，
但姑娘唔係有禮貌解釋返前位病人遲左，
而係用一種好差態度話做完自然出黎架喇！！

之後屋企人（用醫療卡）做埋吹氣測試，
拎批核，都係要你自己打去問批核出左未，
姑娘回覆出左，然後屋企人都有講話去邊間做吹氣，勞煩幫忙fax批核過去，姑娘唔耐煩咁話得得得，
點知第二日去到Lab人地話無收過，打電話叫姑娘再fax,
而我用食飯時間做，無奈要曬時間等，

醫生都話有結果會打我講返，
陰性唔使見，陽性要覆診，
報告返左，無人打黎，又係要自己追，都唔緊要，
但答我話要返黎見醫生，
我都話醫生有交代話陰性唔使返，
我只係想知報告上係顯示positive 定Negative
由朝早11點等到下午差不多6點，無人覆，
最後打去先有人覆。

醫生ok有咩用？
姑娘做野唔上心，求其，又唔helpful,
無論電話定WS
問野永遠一係唔覆，一係再三催先覆，
真係唔會再去。



簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇