經歷詳述:
要打疫苗千祈唔好搵佢

豪無醫德，只顧賺錢，忽略病人健康！
話說之前響佢度打疫苗，疫苗共分三針，響唔同日子打。打第一、二針時都無乜特別。打完第一針時佢就問我，想一次過俾哂三支針的錢先定係逐針逐針俾，我就問佢唔俾哂三針的錢到時會唔會無哂針打，佢就答我「唔洗擔心，貨源好充足」，咁所以我最後係冇俾哂三針錢。
到我上個星期去打第三針時，登記嗰陣啲姑娘同我講無哂貨。吓？我係打第三針喎，唔係打第一針喎，你地唔係應該預左有幾多人要打第三針㗎咩？仲要我一早問定唔俾哂錢會唔會冇針打喎！嘈完一輪，姑娘問完醫生之後回覆話我可以選擇打第二隻針，又或者同一者針的小童版（但要打兩針同劑量唔同）。
呢個醫生諗野都有問題，佢唔係諗辦法搵響第二度搵返同一隻疫苗俾我打，而係建議我打第二隻疫苗，完全忽視病人的健康。
所以我轉個頭搵到第二間有得打同一隻疫苗，轉身即走。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧