經歷詳述:
媽媽在7月20號左右証實係乳癌, SIZE 約1.5-1.7CM, 睇完浸會乳腺專科, 我地決定搵鄺醫生再CHECK下同問清楚要唔要做乳房全切... BOOK 左7 月22號6點, 等左1-2個鐘左右(因為鄺醫生真係好忙), 佢好細心咁睇左REPORT, 都話決定要做全切....佢好有醫德... 知道媽媽無買保險, 主動話會盡量計到最平... 希望我地唔會太大負擔, 又關心媽媽工作, 心情.... D 位醫生, 唔係只係醫你個病, 佢真係會醫你個心... 雖然佢好忙, 但每次見佢都好精神, 比好多正面既感覺我地去面對D 個病...

我地星期 2 晚入寶血, 星期 3 早上做手術, 手術三個鐘就完成, 手術完左都見到鄺醫生, 佢立即同我地講左個情況 (包括切左癌細胞同切左部分淋巴去化驗), 結果好好彩...淋巴無事... 之後媽媽住到星期 5 就出院... 其間醫生都有每日到醫院睇下媽媽, 之後先要再返診所..
總數約5萬(但其實醫生只係收左1/5 既手術費)
我真係好感激佢..... 之後 我地再返左診所CHECK 同洗傷口... 雖然見醫生要等好耐好耐... 起碼2個鐘以上...
如果只係姑娘洗傷口就好快.... 但我地都覺得值得... 因為仁醫係D 個世上已經好少... 媽媽個傷口好靚... 最後就要等政府跟進腫瘤個PART 要睇係唔係要附加治療(化療, 電療, ... )

總體來說, 鄺醫生係一位有醫德既仁醫, 好好彩可以媽媽比佢醫治... 絕對可以推介比有需求既人.
簡評:
個人觀感- 仁心仁術、醫德高尚
經歷過程- 醫生會清晰明確的講解其病情
推介意見- 值得向有需要人仕推介