經歷詳述:
因為工作時受傷，被鹼性物質流入眼睛，康復其間傷疤在角膜增生，所以眼珠位置新增了一層白膜，視力不清晰，也會畏光，即使過了一年眼睛還有紅腫。
第一次睇張醫生，佢用儀器睇我隻眼，佢 : 「wa！隻眼咁樣嘅！」先不論張醫生成為眼科醫生幾多年，作為一個一位專業眼科醫生，點都唔可以喺病人面前有啲咁嘅反應，好hurt，覺得好似連經驗豐富嘅眼科醫生見到我，都會嚇親
之後出街都覺得好似好多人望住我，覺得我隻眼好奇怪 好似怪獸咁，但後來知道，其實只係有層白膜，無佢反應咁嚴重

佢問我:「你宜家拎緊工傷，點解唔返工呢？你仲有一隻眼，你另一隻眼仲睇到野嫁喎！」 佢俾我嘅感覺係我呃工傷咁，如果佢以呢個觀念「仲有一隻眼睇到野就無問題」幫人睇眼，真係令人好擔心，係咪仲有一隻眼睇到野，另一隻受傷嘅眼就唔洗理？

對患者態度非常惡劣，完全唔會體諒患者的心情。

唔建議小朋友去睇，佢哋心靈較弱小 眼睛有問題/受傷後已經好唔開心 覺得自己同其他人唔同
去睇完佢 俾佢講兩講 分分鐘俾佢搞自尊受損 有心理陰影

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧