經歷詳述:
呀仔包皮發炎痕癢，在醫生門外等好耐，一直冇關門，上個小朋友睇醫生既一字一句清晰聽到&睇到，到睇我個仔,從來冇洗手消毒（房內亦冇洗手盆）,更可怕係連手套都冇，直接摸仔仔啫啫，然後又揸返枝筆寫野。

醫生一直唔肯反開包皮睇，我同醫生講話有d丘疹狀，佢：係咩？邊到？
我：要反開入面先見到
佢：唔得，一陣反左上去反唔返落嚟咁點算？

我覺得非常不負責任，你唔喺醫生嚟㗎咩？有男童既家長都知道，小朋友都需要耐唔耐幫佢反包皮清潔, 你喺醫生都驚，唔通家長又驚，一世唔反？

睇完醫生真係好驚發炎更加嚴重，超級唔衛生，摸完性器官可以當無事發生咁繼續周圍摸，一陣又摸下一個病人。

而且好冇私隱，全程唔關門，雖然係小朋友，但都需要尊重，更何況需要除褲。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧