經歷詳述:
本人因被中環Glycel一名美容師Irene Li 無良失德起疫情期間因我拒絕續plan，她就不斷多次幫我按面前聲稱要清潔雙手(我唔知點解佢唔係洗手而係噴嘢落手)就噴咗好多chemical落佢手然後立即按面，令我整塊面及眼覺得好揦”乸”(有腐蝕性) 我話俾佢聽有問題，佢就話係因為我塊面乾所致！我覺得好奇怪，但冇諗過佢真係會整蠱我；之後我塊面嚴重發炎發黑(我必定繼續追究 雖然美容院話佢已經離職)！

有一位我以為信得過嘅朋友建議我去睇李醫生，點不知李醫生立即游說我打彩光；話可以漸漸白番，又俾佢電話內啲相我睇，話嗰啲女仔全部都係佢打彩光的效果，叫我立即比現金打！當時我有懷疑，但又想塊面快啲好返，就俾佢打彩光。第一次打完冇乜變化，我就繼續打第二次，佢就游說我打埋頸；之後我就發覺我啲皮膚越打越黑，連條頸都黑埋，打到第四次我覺得自己好似變咗黑人！我睇條頸比較我隻手和身體就知道完全唔同顏色。我問醫生點解會變成咁様，佢竟然同我講唔覺黑咗，於是又再攞佢手機啲相俾我睇，話這些二三線明星只係打彩光都可以變得咁靚，就勸我繼續打！佢以為我盲嘅，顏色完全唔同咗，佢竟然話唔覺，仲叫我繼續！我就拒絕再去，之後唯有等皮膚自然修復。現在過咗差不多半年，雖然冇之前咁黑，但係比起我正常膚色時還是黑了一大截；之前發炎後形成嘅一達達黑色素亦未能完全消退，這位醫生非常無良零專業！為咗賺錢 不擇手段，罔顧病人情況。而且佢用嘅美容儀器非常舊式；佢而家診所搬咗去九龍城，大家千其要小心呢種無良醫生!!!


簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧