經歷詳述:
本人生暗瘡已經好耐，一直反反覆覆，心理上已經極難過。睇完呢個醫生覺得更加失望！點解咁樣嘅醫生都可以執業？真係衰到無人有！凈係識搵錢！首先：
第一次：首次應診、佢已經叫我做價值$20000嘅彩光治療，講到做完彩光就唔會復發咁！仲比佢過往病例我睇，吸引我比錢買療程，其實當時我都心動架，醫生話可以斷尾喔！不過兩萬蚊對於無業師奶來講都唔係一筆小數目，我都係食完藥考慮一下。好快咁睇完出去買單，門診+藥費：$650
「搞笑的是：只收現金？why？我唔需要講咁白大家都明啦！」
返到屋企，越諗越覺得個醫生嘅醫德越有問題！便自己上網查詢藥名，結果個醫生開左必須最少要食6-8星期嘅抗生素比我？但睇診時，我已經同佢再三叮囑，我腸胃比較差並且敏感，d藥會唔會對腸胃有影響？佢當時非常之唔耐煩咁話：無影響！真係靠害！係有d常識都知抗生素會引致腸胃不適啦！個醫生連講都唔同我講聲，就開左必須最少食六星期嘅四環素俾我？但真係無奈、鬼叫自己暗瘡生唔停，唯有食啦！

第二次：覆診，本人不明原因發燒，個醫生無幫我探熱就話：我睇你又唔似有發燒呀！再次講彩光療程跟住踢你出房！埋單承惠現金$650！點知返到屋企夜晚燒到個人暈暈呃呃！死頂到第二日去睇樓下門診一探熱/104度！個家庭醫生得知我食緊四環素時，非常細心咁為我講解四環素嘅副作用、並且擔心我嘅發燒都與四環素有關，建議我停藥兩三日，細心觀察自己身體變化

總結：遇到咁樣唯利是圖、不負責任嘅醫生，真係好黑仔！希望跟我病情一樣的人，千企唔好遇到佢！
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧