經歷詳述:
小朋友4歲，有啲傷風感冒，因為啱啱搬嚟大圍，所以試下睇附近診所既醫生。其實醫生態度幾好，只係姑娘好鬼惡，對住病人好似想發洩自己私人情緒，一啲都唔專業。
其實我哋都係病先至會入診所睇醫生，講真有邊個想病？小朋友病又辛苦，大人又辛苦，入到嚟登記攞藥等候嗰段時間，問下仲要等幾耐都要畀姑娘鬧
攞藥嗰陣唔清楚講每一隻係咩藥，問清楚啲藥點食或者邊隻藥針對咩病徵，都要畀佢串話做人老豆老母要識得自己睇字，直接叫我哋照顧小朋友唔好靠人（即係佢哋醫護），生得出就要識得自己照顧。咁上綱上線為乜嘢？都係問多句啲藥點樣食，問清楚費事食錯咗啫。咁樣都覺得係麻煩你嘅，唔好意思啦我以後唔會再踏入呢間診所。自認m底先好入去睇醫生。
事後諗返的確我自己問題，冇睇清楚comment就入咗去，原來咁多年來一直嘅comment都係咁差。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧