經歷詳述:
范醫生好細心，會同我傾計，會考慮到忙碌既日常生活及過往病歷先比藥

我有次大傷風，睇左幾次我居住地區既醫生都睇唔好，朋友介紹我去搵范醫生睇，佢唔同之前我睇o個d醫生聽倒我係感冒就是但開d藥比我就趕我走，呢位范醫生問得我好仔細，佢知道我睇左幾次其他醫生唔掂，而且番工度趕緊Project要全力以赴，冇得話請番一兩日假休息，佢係考慮到呢d o野先開藥比我(有d藥特別眼訓)，我覺得我真正作為病人受到尊重，食藥後我係有精神番工並且同時感到病情有改善

有一次，我隻右耳耳窿入面好痛，我唔想搵耳科醫生睇住，我黎搵范醫生睇，佢話純粹係耳屎過大強行撐大耳道，佢真係即場搵個針筒bump下o即下咁注水入我隻耳仔衝爛d耳屎，搞左好鬼耐，搞到佢同護士都成身濕晒(d耳屎又核突)，我幾唔好意思，事後其他朋友話我知，d家庭醫生一般都係比藥水我滴滴溶d耳屎(可能需要幾個星期‧‧‧)，根本唔會咁好人幫你洗耳
有次我要去外國旅行，我要打肝炎針，事前我需要驗血，范醫生要我驗血時亦唔會叫我驗埋d同病症冇關既測試(某d診所真係趁機叫你驗幾十樣o野)，我覺得佢係有良心

可惜范醫生依家搬左去金鐘咁鬼遠(以前響佐敦)，我本身住新界，依家真係有大病或者我需要第二意見(即係睇完居住o個頭d醫生但我唔信個醫生既判斷)先會搵佢