經歷詳述:
呢個醫生真係有咩事都唔好睇佢!

以下真人真事,係幾個月前發生!

試過有次頭痛痛到死,去睇鍾醫生,佢話我偏頭痛發作,開左D藥比我,收我600蚊診金藥費,仲叫我隔一個禮拜番去覆診,點知D藥食左2日都冇見好,仲愈黎愈痛!

我媽媽見到我咁樣即刻打電話去鍾醫生到諗住再睇多次,個陣姑娘話鍾醫生睇緊症,大約10分鐘會覆電話,點知10分鐘又10分鐘,等左接近30分鐘先有回覆,個姑娘態度仲要極其惡劣!

到最後我媽媽見我痛到咁嚴重就帶我去第2間診所到睇,個醫生一睇就懷疑我係腦膜炎,仲即刻轉介我入明愛急症。我仲拎埋鍾醫生開比我D藥比佢睇,X醫生話呢D只係普通止痛藥,絕對唔洗600蚊。我媽媽就立即再打電話去鍾醫生到了解,再轉述X醫生講既野比鍾醫生聽,個鍾醫生仲叫我番去睇喎,如果我真係再番去睇!可能小命都不保,真係不知所謂! 又呃錢又冇醫德!
簡評:
個人觀感- 診效不顯、收費不稱
經歷過程- 求診病人實在太多，等候需時
推介意見- 本人絕對不會再作光顧