經歷詳述:
陰囊位置痛咗成個禮拜，精液有血同發炎，經家庭醫生轉介下去咗睇呢位「神醫」。
見咗醫生十分鐘都冇，同我按一按問邊度痛，之後就同我講應該冇事，大佬我無病無痛就唔使睇醫生啦。
同我講解咗我邊幾部分有機會發炎，然後叫我做超聲波同前列腺內窺鏡，自知私家醫院唔平，所以一問價錢，佢竟然話要「兩萬蚊」！
本身都真係好痛所以先去睇醫生，但呢個價錢真係要考慮下，最尾交完$180診金連消炎止痛藥都冇嘅情況下就離開咗。
之後再上返聖保祿嘅官方網站睇，照超聲波價錢都只係$700-6000，即刻火都嚟埋！
痛咗一段時間，身為病人得唔到適切嘅治療已經好難受，仲要獅子開大口，去金鐘睇泌尿專科都唔使呢個價。
咁樣推症法未免專業失德⋯

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量