經歷詳述:
從未試過特登用半小時寫醫生評論, 因為完全感覺呢個醫生貪錢, 沒有真心想醫好病人。姑娘(年長那位)反轉豬肚係屎的態度。

本人第一次睇呢個張謙昌醫生, 預約時已問姑娘診金收$400, 態度有禮，仲話如果唔識來可以致電問路, 非常細心。

去到診所, 等了10分鐘就可見醫生, 都算快。醫生幫我檢查患處, 都OK仔細。睇完話我小意思, 查D藥膏, 食D藥就會好。

跟住出去等取藥, 跟著姑娘派藥, 派了一小瓶藥膏, 一排藥丸。跟著比張收據我睇, $1,200 大元。我問: 點解收咁貴? 我話事先打過來問診金收$400喎, 年長姑娘話你要藥嘛, 我又問﹕果度得兩種藥點收$800? 年長姑娘話﹕係咁貴架喎... 我問可唔可以減收? 我係港島區睇同一個皮膚問題都係總數收$700, 呢度葵芳要收$1,200? 年長姑娘話無得減收喎. 我再問﹕我可不可以自己入房問醫生? 年長姑娘話不可以. 咁我話我唔要藥, 你們收返我$400診金算, 她就連忙取回所有藥, 入了醫生房改收據, 比返一張$400收據我, 我付了$400便氣匆匆走了...

結論或感覺﹕呢間診所D人鐵石心腸, 只為金錢利益, 不是想醫好病人。年長姑娘表面有禮細心。其實, 心裏只為錢, 一話貴想傾下即刻黑面態度180度大轉變。大家小心!!!
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 已視為本人的必然選擇