經歷詳述:
因我四月頭就一直有低燒, 咽喉痛有痰, 睇開十幾年家庭醫生都唔好, 服用十多天抗生素一直沒有好轉, 四月尾入了法國醫院吊針四日同做一切檢查後有退燒, 但出院一星期後回醫生覆診後又再度低燒, 又是開抗生素給我, 前前後後已吃了一個月抗生素, 所以轉睇中醫, 期間一直找尋耳鼻喉科醫生, 腸胃肝臟專科醫生睇, 希望找出低燒原因, 六月初又開始中午黄昏後低燒,個人開始驚恐睡不著, 瘦左十幾廿磅, 這兩天不斷搜尋相關資料,我以為自己係肺癆, 所以我找到鍾少石醫生同病人評價, 覺得可信性高唔似一般打手, 我昨天約了今日11:30睇醫生, 專科醫生等候時間屬於我能接受程度, 始終大醫生, 當入到去見醫生, 鍾醫生好有耐性看齊我所有報告同幫我做檢查, 分析得好細心, 還多次拍我膊頭要我努力加油, 鍾醫生用了好耐時間關心我病情和問候我, 覺得我自己嚇自己, 鍾醫生比左好多正能量我,,令我覺得這個醫生好有愛心同醫德, 我要抽血再檢驗, 鍾醫生話我無事唔想我浪費金錢, 但我內心仍是不踏實, 所以堅持鍾醫生幫忙抽血檢驗, 係診所等候其間, 姑娘不斷安慰我, 我從未遇上這麼好的姑娘, 還千叮萬囑我, 吃藥後有問題就可以隨時找她, 我好幸運遇上這麼好醫生同姑娘, 後日覆診希望是完美報告。
簡評:
個人觀感- 詳盡親切、耐心施診
經歷過程- 醫護人員親切有禮的提供協助
推介意見- 值得向有需要人仕推介