經歷詳述:
本人扁桃腺以往發炎，一個療程都搞得掂。但今次由月中開始，發燒加喉嚨腫痛， 先後入過公院急症室，又睇過普通科門診同私家醫生都搞唔掂，食藥轉過兩次抗生素都唔得； 扁桃腺嚴重到兩邊化晒膿， 左頸淋巴都腫起左，成日人都好唔舒服好徬徨；響呢度睇到有人都有扁桃腺發炎經鄭醫生睇返好，於是決心一試。
一早去鄭醫生診所掛號，等左一陣就睇症； 鄭醫生好斯文，好細心問我幾時開始發病，觸診都摸到我左邊淋巴有腫； 我要keep 住食完兩日藥去覆診，因為想睇返我用藥後效果點再調節藥量。
我睇到扁桃腺d 膿慢慢收，個人慢慢有返精神。診所姑娘好nice, 配藥姑娘仲會問我，食左藥係咪好d? 食埋今次都唔駛返黎再睇架喇。
病向淺中醫， 今次好在揾岩鄭醫生，所以好推薦，同樣而家有扁桃腺發炎辛苦緊既你，試下揾鄭醫生睇睇。
簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介