經歷詳述:
由五月尾開始已經開始喉嚨痛，但係情況冇好嚴重，一路都冇理；但係由六月頭就開始惡化，喉嚨開始劇痛、發高燒、吞嚥困難、呼吸困難、淋巴腫痛、有痰但無法咳出或吞嚥。我先去到政府醫院診斷，公院醫生照完喉嚨之後，表示並無大礙，不太嚴重。開左啲喉糖、抗生素、撲熱息痛比我，但係情況不但完全沒有改善，反而更嚴重，發燒更高達39度，食藥越食越差，咁樣嘅情況拖左足足3日。實在忍不住，講野都冇氣嘅情況之下，仲記得上次同朋友睇醫生，依稀記得係鄭醫生，於是今次自己決定一試。

哇！不得了。鄭醫生一睇我喉嚨就表明我情況其實都幾嚴重下，喉嚨扁桃腺有膿皰，有啲更加已經破損流膿，發炎情況頗嚴重。於是即刻喺我pat pat 打左一針抗生素..... 哇...好X痛！ 之後再開左啲藥比我食。神奇嘅係，當晚返到屋企，喉嚨已經冇腫痛嘅感覺，呼吸暢順左，吞野冇痛，講野冇痛，又退左燒，講野有番力，淋巴結亦都冇腫脹嘅感覺，第二日胃口已經翻黎，食野吞野完全冇痛，康復90%以上...唔係講笑

由於我覺得太神奇，彷彿有妙手靈丹，所以分享呢次經歷比大家。順帶一提，鄭醫生收費都幾進取，但係真係有起死回生嘅感覺，你問我值唔值，我會答你好撚抵；人地真係專業，收得進取啲，唔係好正常咩？覺得貴嘅，去政府醫院囉... 死左都唔知咩事....
簡評:
個人觀感- 判症快捷、合情合理
經歷過程- 醫生會清晰明確的講解其病情
推介意見- 值得向有需要人仕推介