經歷詳述:
前幾日頭痛, 發燒, 喉嚨痛
睇個睇開既家庭醫生話我喉嚨爛哂, 睇落係扁桃腺發炎
比左抗生素我, 咁原本冇問題
食左兩日, 隔晚都發現手腳出紅疹,
行路都好痛, 斷斷續續發燒,
驚係藥物敏感
就搵醫生睇, 當時九點, 屯門大部份醫生都收左工
得番幾間夜診, 唯有約間近少少去睇
一上到去, 感覺已經好唔專業
護士又趕收工(仲有成45分鐘), 成間野有d簡陋咁

到睇症, 我帶埋包藥比佢睇,
佢見有消炎同胃藥, 就問我 "你有胃病咩?"
我打左個突, 咩唔係比親消炎藥都應該連胃藥食既咩大佬?
之後睇埋我對手腳d 紅疹,
話病毒感染, 食抗生素越食越衰,
叫我食特敏福, 我又打左個突
收我480, 仲叫我兩日後覆診
睇完都心諗係唔係路呀

極其懷疑下, 第二朝睇番自己個家庭醫生,
佢一睇已經話, 好明顯係手足口病,
開消炎同胃藥同朗口水比我就得
因為要休息一個星期會自動好返, 冇特別藥食
所以聽呀陳醫生講就死得,
病徵明顯都可以斷錯哂症,
仲冇啦啦叫人食特敏福
亂咁食有抗藥性架, 到時真係有流感就麻煩!!
簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧