經歷詳述:
其寶羅醫生醫術應該無問題，我咳咗兩個幾月，上網查過之後轉去羅醫生睇症，第一次請假去睇，做咗個氣管吹氣測試及照X Ray, 羅醫生都找到我既問題，食藥後都有改善，但第二次覆診約時間，明明話診所開放時間至18：30，其實呢個都係我考慮睇羅醫生條件之一，點知約咗幾日都話通常last booking 係三點半，係咪相差大遠，因為有日公司放所以我約4點，佢話到時睇情況再覆，點呀，得就得，唔得就唔得，唔係淨係醫生時間先寶貴，我都要搵食先有錢睇醫生，後來姑娘又話ok,到嗰日，姑娘打嚟問我可唔可以3：30嚟到，即是3：30後既booking都唔得啦，我公司有會議，就話唔得，姑娘最初叫我儘早嚟，講講吓先話醫生要早啲返醫院，我見咁，諗住儘量就吓，唔洗醫院個病人等咁耐，咁我問咗診症要幾耐，同姑娘話食飯時間搭地鐵嚟，12：45到，半小時，1：30之前離開都可以趕到公司開會，姑娘話好，點知去到唔係即時睇，前面見到人既仲有成5，6 個，我同姑娘講個background,點知佢話無辦法，醫生今日遲咗返，點到要落去，唔係話，呃我上嚟，我就佢但佢又唔相就吓，醫生既時間比我既真係重要咁多咩，我好嬲，攞返報告去睇第二個專科醫生，點知第二醫生一樣要做同一個吹氣測試，收我$250,羅醫生收我$1800，我明白定價有異，但越過5陪，唔係濫收係咩，我第二個專科醫生都好好㗎，一個唔尊重病人既醫生，又濫收費用，就算醫術幾高明(未經証實)都係假，所以一定要告訴大家
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧