經歷詳述:
早幾個月耳孔紅腫痛, 最初病症輕微, 但一直不痊愈, 去普通科睇, 普通科醫生話發炎, 但食藥後無乜效果, 經同事介紹, 就預約睇.
同張醫生覆述返症狀, 張醫生檢查耳朵後話我耳仔無事好乾淨. 同埋發炎唔會痛幾個月咁長時間.
我表示驚訝, 因為普通科醫生話我耳仔發炎, 同埋知道我發炎位置. 但張醫生一口咬定我耳仔沒有任何問題, 更表示佢身為專科醫生, 比普通科醫生更專業, 因為比他們讀多幾年書.
張醫生用儀器顥示本人耳膜以示沒有任何問題.
但我一再重申我係耳孔痛,並不是耳膜, 然後用手指指出位置, 但張醫生只叫我不要再用手指掂, 自然就會痊愈.
我再問張醫生既然我不是耳仔發炎, 但感到痛楚應該轉介去睇邊一科.
張醫生沒有回答, 只說我沒有事, 或許是神經痛, 叫我不要再多想就不會痛.
最後佢說不跟我爭論, 然後不收我診金.

雖然因為不用付診金, 但很浪費時間. 張醫生有自己的堅持, 不太聆聽病人說話.
最後我看了另一耳鼻喉專科醫生, 現已痊愈

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧